4 International Colleges & Universities

4 International Colleges & Universities

TUHUMA ZA UFREEMASON KWA MFANYABIASHARA MAARUFU WA JIJIN DAR ES SALAAM- TANZANIA

UGUMU WA MAISHA NA MASLAHI DUNI YASABABISHA ASKARI KUPOTEZA MAISHA KWA AJALI AKISAFIRISHA MIRUNGI

ASKARI wa Kikosi cha Kutuliza Ghasia (FFU) mkoani Arusha PC Samson (20) amefariki dunia akisafirisha mirungi. Kufariki kwa PC Samson kulitokea juzi katika eneo la Mdori mkoani Manyara baada ya kupata ajali ya gari alilokuwa akilitumia kusafirisha mirungi hiyo kutoka Arusha.

Taarifa kutoka vyanzo mbalimbali vya habari eneo hilo la Mdori wilayani Babati zilieleza jana kwamba ajali hiyo ilitokea saa 12:30 asubihi.

Chanzo cha habari kilichoshuhudia tukio hilo kilisema kuwa gari hilo liliacha njia na kuanguka pembeni mwa barabara, hatua iliyosababisha shehena ya mirungi iliyobebwa kumwagika nje.

Wakati taarifa kutoka Mdori zikieleza hayo, mtoa taarifa mwingine kutoka Majengo Kata ya Elerai Arusha alidai kwamba gari hilo lilionekana saa 10 alfajiri likielekea barabara kuu ya Arusha - Babati.

Hata hivyo chanzo hicho kutoka Arusha nacho kilieleza kwamba shehena hiyo ya mirungi ilikuwa mali ya mmoja wa wafanyabiashara wa mirungi jijini hapa (kwa sasa jina linahifadhiwa).

Kamanda wa Polisi Manyara, Akili Mpwapwa alikiri tukio hilo lilitokea saa 12:30 asubuhi eneo la Mdori wilayani Babati. Alilitaja gari lililotumika kusafirisha mirungi hiyo kuwa ni Toyota Carrina namba T. 588 AUW ambalo linadaiwa kuacha njia na kupinduka kutokana na mwendo kasi.

Pamoja na kifo cha PC Samson mtu mwingine anayedaiwa kuwa dereva wa gari hilo Hussein Bakari (20-30) ambaye ni mkazi wa Arusha naye alifariki dunia papo hapo.

Taarifa tulizozipata zinadai kwamba askari huyo alikuwa likizo.

Hivi karibuni Jeshi la Polisi mkoani Arusha lilikamata shehena ya mirungi ya thamani ya Sh milioni 40 ikiwa imejazwa kwenye gari ya Canter wilayani Longido.

Source: http://www.wavuti.com/#ixzz2IOkuuYgE

ESCAPE FROM SOBIBO ATOROKA GEREZANI NA KUVUA NGUO ASIKAMATWE NA POLISI

Na Nassor Wazambi (facebook) Tabora Manispaa

Mwananchi mmoja kwa kushirikiana na askari wa kikosi cha kuzuia ghasia FFU mjini Tabora wamefanikiwa kumkamata mfungwa mmoja wa gereza la mahabusu Tabora wakati akifanya jaribio la kutoroka akiwa amevua nguo na kubakia uchi wa mnyama.
Mfungwa huyo ambaye anafahamika kwa jina la Jonas Oscar(25)imedaiwa kuwa mnamo majira ya mchana siku ya tarehe 14 januari 2013 alifanya jaribio hilo wakati akiwa kwenye kazi za bustanini na wafungwa wenzake.
Hata hivyo wakati akiwa ameanza safari hiyo ya kukwepa kifungo cha mwaka mmoja ambacho ameanza kukitumikia mapema mwaka huu,mfungwa huyo Jonas aliibukia katika kambi ya Jeshi la Polisi iliyoko jirani na gereza hilo la mahabusu hatua ambayo ilisababisha kuonwa mapema kwakuwa alionekana kuwa ni mtu wa ajabu kwa kukimbia akiwa uchi wa mnyama.
Aidha katika hatua nyingine mfungwa huyo amefikishwa mahakama ya wilaya ya Tabora,mbele ya hakimu Mheshimiwa Magori na kukabiliwa kwa kosa la kutoroka chini ya ulinzi halali kinyume cha sheria namba 16 kifungu cha 116 ya mwaka 2002,ambapo alihukumiwa kutumikia adhabu kwenda jela kwa kifungo cha miezi 16,adhabu ambayo ameanza kuitumikia mara moja.
Awali Jonas Oscar imedaiwa kuwa alikuwa akitumikia kifungo cha mwaka mmoja akiwa ni mfungwa No.02,2013 katika Gereza la mahabusu Tabora mjini baada ya kupatikana na hatia ya kutishia kumuua baba yake mdogo huko katika wilaya ya Sikonge mkoani Tabora.

Mwananchi mmoja kwa kushirikiana na askari wa kikosi cha kuzuia ghasia FFU mjini Tabora wamefanikiwa kumkamata mfungwa mmoja wa gereza la mahabusu Tabora wakati akifanya jaribio la kutoroka akiwa amevua nguo na kubakia uchi wa mnyama.
Mfungwa huyo ambaye anafahamika kwa jina la Jonas Oscar(25)imedaiwa kuwa mnamo majira ya mchana siku ya tarehe 14 januari 2013 alifanya jaribio hilo wakati akiwa kwenye kazi za bustanini na wafungwa wenzake.
Hata hivyo wakati akiwa ameanza safari hiyo ya kukwepa kifungo cha mwaka mmoja ambacho ameanza kukitumikia mapema mwaka huu,mfungwa huyo Jonas aliibukia katika kambi ya Jeshi la Polisi iliyoko jirani na gereza hilo la mahabusu hatua ambayo ilisababisha kuonwa mapema kwakuwa alionekana kuwa ni mtu wa ajabu kwa kukimbia akiwa uchi wa mnyama.
Aidha katika hatua nyingine mfungwa huyo amefikishwa mahakama ya wilaya ya Tabora,mbele ya hakimu Mheshimiwa Magori na kukabiliwa kwa kosa la kutoroka chini ya ulinzi halali kinyume cha sheria namba 16 kifungu cha 116 ya mwaka 2002,ambapo alihukumiwa kutumikia adhabu kwenda jela kwa kifungo cha miezi 16,adhabu ambayo ameanza kuitumikia mara moja.
Awali Jonas Oscar imedaiwa kuwa alikuwa akitumikia kifungo cha mwaka mmoja akiwa ni mfungwa No.02,2013 katika Gereza la mahabusu Tabora mjini baada ya kupatikana na hatia ya kutishia kumuua baba yake mdogo huko katika wilaya ya Sikonge mkoani Tabora.

SERIKALI YATOA SAA 24 KWA UONGOZI WA MAMLAKA YA BANDARI TANZANIA TPA ZIDI YA UBADHIRIFU WA MILIONI 450 FEDHA ZA KITANZANIA

Serikali imetoa masaa 24 kwa Uongozi wa Mamlaka ya Bandari Tanzania TPA kutoa majibu ya uchakachuaji wa mkataba wa Mtambo wa kupakulia mafuta SBM na kusababisha ubadhirifu wa zaidi ya Sh milioni 450.

Mkataba huo umedaiwa kubadilishwa kinyemela baada ya kuondolewa kipengele cha mzabuni cha kuendelea kuhudumia vipuri vya mtambo zenye thamani ya kiasi hicho cha fedha kwa kipindi cha miaka miwili.

Hayo yamebainika wakati wa ziara ya Mawaziri mbalimbali kwenye Mamlaka ya bandari TPA na hivyo kuzua kitendawili kikubwa kwa mawaziri hao.

Injinia Madeni Kipande ni Kaimu Mkurugenzi Mkuu wa TPA ambaye anajaribu kutegua kitendawili hicho.

Hata hivyo majibu yake hayakuridhisha viongozi hao na ndipo Waziri mwenye dhamana Dk. Harrison Mwakyembe akautaka uongozi wa TPA kukaa kikao na kuleta majibu ya kueleweka ifikapo jumatatu.

Mara ghafla linaibuka sakata lingine kuhusiana na kifaa cha kutambua idadi ya mizigo inayoingia na kutoka ambapo inabainika kuwepo kwa kifaa kimoja tu huku kifaa kingine kupelekwa Tanga kwa zaidi ya miaka miwili hali iliyochangia serikali kushindwa kutambua idadi ya mizigo inayoingia bandarini na kutoka.


Kufuatia hali hiyo ndipo Waziri wa Viwanda na Biashara Dk. Abdallah Kigoda anawataka watumishi wa bandari kuwa waadilifu ili kuongeza ushindani wa soko kutokana na bandari kutegemewa kwa kiasi kikubwa kwenye pato la taifa.


Miongoni mwa Mawaziri waliofanya ziara TPA ni Waziri wa Fedha na Uchumi Dk. William Mgimwa, Waziri wa Uchukuzi Dk. Harrison Mwakyembe, Waziri wa Viwanda na Biashara Dk. Abdallah Kigoda na Naibu Waziri wa Nishati na Madini George Simba Chawene.

Mwisho.

JERRY SILAHA AWASHA MOTO MBEYA AWATAKA UVCCM KUWA MACHO NA WANAOTAKA KUHUJUMU CHAMA KWA MASLAHI YAO

 JERRY SILAA AKIFUNGUA SEMINA YA SIKU MBILI YA VIONGOZI WA UVCCM MKOA WA MBEYA. KUSHOTO  NI AMAN KAJUNA MWENYEKITI WA UVCCM MKOA WA MBEYA

KATIBU WA CCM WILAYA YA MBEYA AKIMWAGA SERA ZA CHAMA CHA MAPINDUZI KWA WAKAZI WA NZOVWE MBEYA 

AMAN KAJUNA MWENYEKITI WA UVCCM MKOA WA MBEYA AKIMKARIBISHA JERRY SILAA AONGEE NA WANANCHI WA NZOVWE MBEYA

JERRY SILAA AKIONGEA NA WANANCHI WA NZOVWE MBEYA

VIJANA WA CCM WAKIWA MAKINI KUMSIKILIZA JERRY SILAA

DOGO AKIMSIKILIZA SILAA

MEYA wa Ilala , Jerry Slaa, amesema kuwa licha ya umoja wa vijana wa Chama cha Mapinduzi (UVCCM) kuonekana kuwa nguzo ndani ya chama hicho, lakini ndiyo jumuiya inayongoza kwa migawanyiko na makundi ndani ya chama hicho, inayochochewa na watu toka nje.

Slaa ambaye pia, ni mjumbe wa Halmashauri Kuu (NEC), kutoka wilaya ya Ilala, amesema kuwa hali hiyo inakiweka rehani chama hicho, hivyo kuwataka vijana hao wabadilike na kuacha kufanya siasa za mtu, bali wafanye siasa za chama, kwani hiyo ndio suluhu itakayoiwezesha chama hicho kurudisha imani kwa jamii.

Alitoa kauli hiyo jana, Jijini hapa, wakati akifungua semina ya siku mbili ya viongozi 60 wa jumuiya hiyo, kutoka wilaya zote za mkoa wa Mbeya, iliyoandaliwa mahususi kwa ajili ya kuwajengea uwezo viongozi kwa lengo la kwenda kukijenga chama baada ya kumalizika uchaguzi wa ndani.

Alisema licha ya kwamba CCM bado inaaminiwa kwa kiasi kikubwa na jamii, lakini bado kuna mambo muhimu ambayo chama hicho na jumuiya zake, kinapaswa kuendelea kuyafanya ili kuendelea kukiimarishaya na kujenga imani zaidi ndani ya jamii.

Hata hivyo , alisema wakati vijana hao wakifurahia kupata nafasi za kushika madaraka mbalimbali, lakini pia wanapaswa kufikiria zaidi wajibu wao kuanzia katuika sehemu wanazotoka hadi kwenye nyadhifa walizoshika, ikiwemo kusimamia ipasavyo utekelezaji wa ilani ya chama hicho.

“Wewe kama kiongozi unapaswa kujiuliza ni kwa kiwango gani umetimiza wajibu wako huko uliko (sehemu wakaoishi), lakini pia ni kiwango gani umezisimamia halmashauri katika kutekeleza ilani ya chama” alisema Slaa.

Alisema kazi kubwa ya jumuiya hiyo na wana CCM kwa ujumula ni kuunganisha nguvu zao kwa pamoja ili kuendelea kukijenga chama ili kiaminiwe na wananchi na hatimaye kuendelea kupewa dhamana ya kuongoza dola.

Awali akimkaribisha mgeni rasmi katika ufunguzi huo wa semina elekezi kwa viongozi wa jumuiya hiyo, Mwenyekitti wa jumuiya hiyo Mkoa wa Mbeya, Aman Kajuna, alisema vijana nchini wakiwemo wa CCM wanapaswa kuwa jicho la mabadiliko hapa nchini.

Aliongeza kuwa vijana nchini wanatakiwa kuacha kuendesha mambo na mipango yao kwa mazoea badala yake watekeleze hayo kulingana na mabadiliko ya ulimwengu wa sasa na mahitaji ya jamii.

Baada ya kufungua semina hiyo ya siku mbili, MNEC huyo, alifanikiwa pia kukutana na viongozi mbalimbali wa chama hicho na alitarajiwa kufanya mkutano wa hadhara katika eneo la Nzovwe Jijini hapa.

Na Moses Ng’wat,  picha na Mbeya yetu

P SQUARE UGANDA,WAAPA KUTOKANYAGA TENA NCHI HIYO

Licha ya kupiga show ya nguvu mjini Kampala, Uganda mwezi uliopita, wasanii wa kundi la P-Square wamedaiwa kuapa kutokanyaga tena ardhi ya Uganda kwaajili ya show. Uamuzi huo wameuchukua baada ya kudaiwa kushikiliwa kwa masaa kwenye hoteli ya nyota 5 waliyokuwa wamefikia kwa kushindwa kulipa bili. Waandaji wa show hiyo walikataa kulipa bili hiyo kutokana na kuwa kubwa mno.Kwa mujibu wa vyanzo, mapacha hao Peter na Paul walisaini mkataba na mapromota hao na walilipwa gharama ya kufanyia show huku zile za malazi na usafiri zikiachwa. Hata hivyo kulikuwa na kiwango cha mwisho ambacho wasanii hao walitakiwa kukitumia pale walipofikia lakini walizidisha na hivyo waandaji kuwataka walipe wenyewe na hivyo kuleta mgogoro mkubwa. Wasanii hao wa Alingo walichukizwa na kitendo hicho na sasa wameahidi kutoenda nchini Uganda tena!!